Президент Алмазбек Атамбаев Жогорку соттун Конституциялык палатасынын төрагасын кабыл алды

1121 кароо Президент 0

Бишкек, 25-февраль /Кабар/. Кыргыз Республикасынын Президенти Алмазбек Атамбаев бүгүн, 25-февралда Жогорку соттун Конституциялык палатасынын төрагасы Эркинбек Мамыровду кабыл алды. Бул тууралуу Кыргыз Республикасынын Президентинин аппаратынын маалыматтык саясат бөлүмү билдирди.

Жолугушууда Мамлекет башчысы өлкө жарандарынын конституциялык укуктарын коргоо боюнча жүргүзүлүп жаткан иштер тууралуу маалымат алды. Эркинбек Мамыров ошондой эле талаш-тартыш жараткан ченемдердин конституциялуулугун текшерүүнүн жүрүшүндө аныкталган укуктук жөнгө салууда укуктук кенемтелердин бар экендиги көрсөтүлгөн Конституциялык палатанын чечимдеринин мамлекеттик органдар тарабынан аткарылышынын абалы жөнүндө да айтып берди. Ал укуктук жөнгө салуудагы кенемтелерди өз убагында толтурбоо жарандардын жана юридикалык жактардын Конституцияда кепилденген укуктарынын жана мыйзамдуу кызыкчылыктарынын бузулушуна алып келет деп белгиледи.

Президент Алмазбек Атамбаев Конституциялык палатанын чечимдери бардык мамлекеттик органдар тарабынан кыйшаюусуз аткарылышы зарылдыгын жана конституциялык контролдоо органынын чечимдерин регламенттөөчү аракеттеги мыйзамдарга өзгөртүүлөрдү киргизүү керек экенин баса белгиледи. Өлкө Конституциясы тарабынан кепилденген жарандардын укуктары жана эркиндиктери, анын ичинде палатанын чечимдеринде көрсөтүлгөн кенемтелерди толуктоо аркылуу да, бардык бийлик бутактары тарабынан толук көлөмдө камсыз этилиши керек.

Пикир

Оставить комментарий