Өзбекстандык таксист унаасынан таап алган 100 миң рублды ээсине кайтарып берди

1398 кароо ММК БА ТУУРАЛУУ 1

Бишкек, 22-июнь /Кабар/. Москвада такстист болуп иштеген өзбекстандык жаран автоунаанын салонуна 100 миң рубль калтырып кеткен кишиге (1700 АКШ доллары) акчасын жана документтерин кайтарып берди. Ири суммадагы акчасын таап алган Павел Шапкин өзбекстандык таксист менен селфи жасоого үлгүргөн, бирок кубанганынан атын суроону унутуп койгон.

17-июнда Киров шаарынын жашоочусу Павел Шапкин өзбекстандык таксисттин унаасына отурган. Бирок көздөгөн жерине жеткенден кийин шашканынан капчыгын машинанын отургучуна унутуп койгон.

Бирок бир канча убакыт өткөндөн кийин өзбекстандык таксист кардарын таап, анын акчасын кайтарып берген. Ал капчыктагы визиттик карта аркылуу Шапкин менен байланышкан.

“Бүгүн мен капчыгымды жоготуп жибердим. Анын ичинде 100 000 рубль жана бардык банк карталарым бар болчу. Кайда калтырганымды такыр эстей албай койгом. Анан Өзбекстандык бала телефон чалып, капчыгымды таап алганын, аны толугу менен кайтарып берүү ниетинде экенин, себеби аны ата-энеси ушундай тарбиялаганын айтты”,-деп жазды Павел Шапкин Инстаграмдагы баракчасына.

Ал таксисттин аракети өтө таасирленткенин билдирип, эстеликке сүрөткө түшкөнүн кошумчалаган.

Социалдык түйүндөрдө өзбекстандык таксисттин мамилесине суктанышууда. Кыска убакыттын ичинде Павел Шапкиндин Инстаграмдагы билдирүүсү миңдеген “лайк” чогултту.

Булагы: CENTRAL ASIAN

Пикир

  • Тайлак

    Тайлак 5 months ago

    Напстоящий узбек. Я уважаю таких молодых и умных. Спасибо отцу и матери за воспитание.

Оставить комментарий